محمد چنگیز خان طر یقی

کھوار ادبو آسمانہ ڑاپھیاک ای خور استاری ڈوکو پرائے۔ محمد چنگیز خان طر یقی پور سال اسپہ سار جدا ہوئے۔ ہتوغو جدائیو پورنہ کھوار ادب څھوغو ہوئے، وا کھوارو خوش دارک، ای بے مثال ادیبو اوچےشاعرو سر پرستیار محروم ہونی۔

چنگیز خان طر یقی موڑکھووݰوگرامہ محمد بیگے قومو طریق اللہ خاندانہ نادر آمان خان لالو ژاو اوشوئے۔ ہیس 1940سنا محمد سیرو بطن شوگرامہ غیچ ہور یتائے۔
جو بس ݰوگرامی بیتی ریݰنوتے کہ گوس کیانی بوئے
ز یربلیو بڑوک بیتی شیر چھینی کہ انگوس کیانی بوئے

چنگیزخان سبقوتے ریݰنوتے ہائے۔ݰوگراماری ریݰن غیچھار پھتوک رے، پورا عمر ر ے ریݰن اوچے ݰوگرامو موژی کوسیتائے۔ اول طالبعلم، اچی استاذ، وا اخیرا پنشن گناک بیتی۔ 2012 سالو مارچ مسو اوشٹ تار یخہ، پک تازہ اسیکہ ریݰنو بینکا گیتی پنشن گنیتائے، ای جو ژاغا ِبیروان پوشیتائے، کورہ دعا وا کورہ بمبارک ار یر۔ ڈاکخانا بی تان اخباران اوچے رساان گانیتائے۔ دورا بی چائے پی موخینہ نشی رسالہ لوڑاوا، اجلو یوشٹ گیتی یارہ پرائے۔ کلمہ رے ہیس تان ژانو ہوروتے حوالہ ار یر۔
نشان مرد مومن با تو گو یم ۔۔ چو مرگ آید تبسم بر لب اوست

محمد چنگیز خان طر یقی ݯھترارو سکولہ جوشو جماعتہ سبق راوا شاعر یو ولٹی موخ ار یر۔ ہیس ہے وختہ اسکوردی بحرا شعر ر یکا پرائے۔ ہے زمانہ کھوارو ترقیو او یلو دوراوشوئے۔1957 سنا سکولو پروشٹہ پبلک لائبر یر یا مشاعرا بی شاعرانان کار ار یر۔ چنگیز خان ہتے وخت جوشو جماعتہ اسیتائے۔ سردار حزب اللہ خان وز یر اعظمو زمانا مشاعرہ بکو ہتیرہ شرکت ار یر۔ ہمی مشاعرین حبیب اللہ فدا، باچہ خان ہما، بابا ایوب اوچے خور شاعران گیاو تانی۔ مشاعران انتظام غلام عمر اوچے وز یر علی شاہ صاحبو ہوستہ باو تائے۔ 1965سالی ر یڈیو پاکستان پشاورہ کھوار پروگرام شروع بیکو ، تان کلامان ر یڈیووتے انز یئکہ پرائے۔ رسالہ جمہور اسلام کھوار چاپ ِبکو تان کلامان ہے رساا چاپ ار یر۔ او یل محفی تخلص کوراوتائے، مگم اچہ ہورو پیڅھی تان خاندانی نامو مناسبتہ طر یقی تخلص ار یر۔

ہورو او یلو چاپ بیرو نظمو عنوان اوشوئے :کھوار راور کھوار نیو یشور:
اے کھو ژیریان کھوار نیویشو ۔۔ کھوارو مو روخڅور کھوار نیویشور
زبانو خوش داراک وطنو خوش داراک ۔۔ وطنو خوش داراک ایمانو خوش داراک
وطنو خوش داراک ایماندار نیویشور ۔۔ کھوار راور کھوار نیویشور
بہادریو داستان ہیہ زبان ۔۔ تہ تہذیبو ترجمان ہیہ زبان
تان روایتان قلمو شہسوار نیویشور ۔۔ کھوار راور کھوار نیویشور

ای خور نطمو عنوان شیر
:زمانہ انقلاب مݰکیران:
زمانہ ہنون انقلاب مݰکیران
یہ کورموبچین سباب مݰکیران
تبدیلی نو بوئے کلیران ہوستہ
ہے بچین رستم و سہراب مݰکیران
زمانہ ہنون انقلاب مݰکیران
عیب دی ہنون صفت غیریتائے
بزدلی ہیارہ غیرت غیریتائے
شومی ہیارہ صفت غیریتائے
می لوان بیان ای کتاب مݰکیران
زمانہ ہنون انقلاب مݰکیران
بے گناہ بولو حراستہ اسور
مجرم ہیارہ حفاظتہ اسور
صحیح پریشان ہر حالتہ اسور
فیصلہ پیسہ وا کباب مݰکیران
مہ قامو لیڈرانان کرسیو اعمال
پھتیو لاوو پھتیو پھورسیو اعمال
سیاست دی اخیر کیہ اداب مݰکیران
زمانہ ہنون انقلاب مݰکیران

طر یقی صاحب نظم اوچے غزلار علاوہ نثر دی بو نیویشی اسور۔ مشاعر ین گیاو کلام ر یکو سوم جستہ انجمنو سیمینار ین مقالہ دی راوتائے۔ 1990 سالی جوو انٹرنیشنل ہندوکش کلچرل کانفرنسہ ہسے ݯھتراری څیڅیقان روایتی اشٹوکان بارا مقالہ ر یتائے۔ ہے مقالا ہسے ژ یرژاوان اوچے ژورگینیان 460 مختلف اشٹوکان تفصیلو سورہ ذکر کوری اسور۔ ڈاکٹر الینا بشیر ہے مقالو انگر یز یا ترجمہ کوری اسور۔ ہیہ کتاب لندنہ چاپ بیتی شیر۔

محمد چنگیز خان طر یقی سکولار گنی دیہا وا دورا پت بو نرم خو، خوش اخلاق، خوش گفتار وا جم لوئی مشہور اوشوئے۔ ہتوغو پونگو موڑا پلیلی نو بہتی اسور ریک بالکل درست۔ اللہ پاک ہتوغوتے تان رحمتو چھاغہ ژاغہ دیار ۔ آمین